Pustiso = Dentures

Ang Metal Crown & Bridge ay pangsiga lamang. Inuulit ko, ito ay para sa mga siga o maton o tambay sa tindahan ng kapitbahay ng kaibigan ng lolo ng kapatid ng labandera mo. Ito ay paboritong ipagawa ng mga siga dahil ito ay mura, matibay at madaling bumaho. Dagdag sa reputasyon ng siga ang mabahong hininga. Ang metal dental bridge na may plastic modification, ay puwede din gawing armas. Puwede din itong panghiwa ng pulutan sa gipit na sitwasyon. Mainam din itong pambukas ng bote ng alak na de-tansan tulad ng siok tong. Itutok lang sa metal na bahagi, viola! Tanggal kang tansan ka. Mala-swiss knife kumbaga.

This is a 6 unit acrylic crown and bridge (also known as plastic dental bridge). 4 ang ngipin na wala. 2 cuspids o pangil ang kinakapitan ng nasabing pustiso.

Kadalasan itong ginagawa para sa pasyente bilang pansamatala (temporary o provisional restoration). O dahil sa pinansyal na rason, dahil mas mura ang plastic crown & bridge kaysa porcelain dental bridge.

Ang plastic na fixed dental bridge ay madaling kapitan ng dumi, madaling umitim, mabaho kapag tumagal sa bibig at hindi ito madaling makita sa dilim lalo na sa mga litrato. Nagmumukhang bungi ang pasyente sa litrato. Ang kalidad ng estetik ng acrylic o plastic fixed partial denture ay mababa kumpara sa ceramic dental bridge.